Дом Олонхо им.П.П.Ядрихинского-Бэдьээлэ

Сэтинньи 22 күнүгэр Олоҥхо декадатын көрсө саҥа, сонун "Удьуор утумун үйэтитии" диэн Нам улууһугар олорон ааспыт олоҥхоһуттарбыт удьуордарын үөрэтии тэрээһин буолан ааста.  

Бу үөрүүлээх тэрээһиҥҥэ  П.П.Ядрихинскай-Бэдьээлэ, Е.Г.Охлопков-Буоратай, Г.С.Кычкин-Хабыанньа, В.Н.Попов-Бочоох, А.М.Петров-Чааскылатар, А.Е.Сивцев-Дьиибэ Бытык уонна Е.В.Соколова сыдьааннара кэлэн төрүттэрин ааттарын үйэтитэн үөрэтэ, матырыйаал оҥоро, ону тэҥэ фольклор араас көрүҥүн баһылыы сылдьалларын көрдөрдүлэр. Тэрээһиммитигэр эксперт быһыытынан кэлбит Саха сирин норуоттарын уонна фольклорун түмэлин метолическай отделын специалиһа Варвара Валерьевна Обоюкова, норуот ырыаһыта, Саха республикатын үтүөлээх үлэһитэ, Нам улууһун Ытык киһитэ, "Дьүрүл" фольклорнай бөлөҕү төрүттээччи Дмитрий Иванович Кривопашкин, Россия суруналыыстарын сойууһун чилиэнэ, СР бочуоттаах олохтооҕо, үөрэҕирии салаатын бочуоттаах үлэһитэ Николай Николаевич Корнилов - Сардаҥа, И.Е.Винокуров аатынан музей директора Афанасий Христофорович Христофоров, М.К.Аммосов аатынан государственность  музейын директора, "Ленскэй нэһилиэк" МТ депутаттарын Сэбиэтин бэрэссэдээтэлэ Александр Васильевич Кириллин бэрт элбэх сүбэ-ама биэрдилэр, санаа атастастылар. 

"Удьуор утумун үйэтитии" тэрээһин быйыл аан маҥнайгытын ыытылынна, инникитин үгэскэ кубулуйан сылын аайы эбии чинчиллэн, дириҥээн, эбии үөрэтиллэн иһиэ диэн эрэнэбит, сыал-сорук туруорунабыт.